УМБГ-т охидыг 500-700 ам.доллараар худалддаг байсан хэрэгт яллагдагчаар татагдаад байхдаа хэргийн газраас оргон зайлсан Г.Наранхүүг цагдаагийн ажилтнууд  саяхан баривчилсан байна.

Охидыг худалдсан хэрэгт татагдсан Г.Наранхүү нь “Нарантуул” захын ойролцоохи гэр хороололд амьдардаг байсан бөгөөд амьдралын төвшин доогуур айл өрхийн  бага насны охидыг садар самуунд уруу татаж бусдад биеийг нь үнэлүүлж ашиг олдог байсан нь мөрдөн байцаалтын явцад тогтоогджээ.

Түүний үйлдсэн хэрэгт одоогийн байдлаар есөн охин хохирогчоор тогтоогдсон байна.