Төрийн албаны ерөнхий шалгалтын тов гараад байна. 

Засгийн газар, Улсын байнгын онцгой комиссоос авч хэрэгжүүлж буй коронавирус тархах эрсдэл, хорио цээрийн дэглэм, мэргэжлийн байгууллагын зөвлөмжтэй холбогдуулан энэ оны хоёрдугаар сарын 7-ноос 17-ны өдрүүдэд зохион байгуулахаар төлөвлөсөн төрийн албаны ерөнхий шалгалтыг тодорхойгүй хугацаагаар хойшлуулаад байсан. Ерөнхий шалгалтыг энэ сарын 4-ны улс, орон даяар зохион байгуулах бөгөөд шалгалтад оролцохоор 16218 хүн бүртгүүлжээ.

Энэхүү шалгалтыг угтан Төрийн албаны зөвлөлийн гишүүд сэтгүүлчдэд мэдээлэл өгөх уулзалтыг өнөөдөр /2020.11.02/ зохион байгууллаа. Уулзалтын үеэр Төрийн албаны зөвлөлийн гишүүн Б.Зүмбэрэллхам “Тавантолгой, Оюутолгой, Эрдэнэс тавантолгой” гээд олон уурхай бий. Гэхдээ газрын баялагтай нь ганцхан Монгол Улс биш. “Толгой”-уудаас мөнгө хураагаад Монгол хөгжихгүй. Төрийн алба шударга, чадвартай байснаар хөгжил зөв төлөвлөгдөнө” гэдгийг онцоллоо.

Төрийн захиргааны байгууллагад 19080 хүн ажиллаж байна.

Г.Тэгшсүрэн