Шадар сайдын ажлын хэсэг өнөөдөр /2021.01.09/ хуралдлаа. Засгийн газрын тогтоолын дагуу нэгдүгээр сарын 11-нд бүх нийтийн бэлэн байдлын зэрэглэлийг бууруулах нь зүйтэй гэж үзсэн байна. 

Үүний дагуу Нийслэлийн Онцгой комисс энэ сарын 11-ны өдрөөс үйл ажиллагааг нь эхлүүлэх  салбаруудын асуудлаар хуралдаж тодорхой шийдвэрүүдийг гаргажээ. Энэ талаар Нийслэлийн Онцгой комиссоос мэдээлэл хийж байна. 

Улаанбаатар хотод даваа гарагаас буюу нэгдүгээр сарын 11-ны өдрөөс бүх нийтийн бэлэн байдлын зэргийг сулруулж, өндөржүүлсэн бэлэн байдлын зэрэгт шилжинэ. Үүнтэй холбоотойгоор нийслэлд дараах 15 салбарын  үйл ажиллагааг нээхгүй гэдгийг Нийслэлийн Засаг даргын орлогч Ж.Сандагсүрэн мэдээллээ.