Дулааны IV цахилгаан станцын өргөтгөлийн нээлт боллоо. Энэхүү өргөтгөл ашиглалтад орсноор тус цахилгаан станцын хүчин чадалт 89 мвт-аар нэмэгдэж байгаа юм.

Нээлтийн ёслолд Ерөнхий сайд У.Хүрэлсүх оролцов. Тэрбээр "Цар тахал том бүтээн байгуулалтын ажилд нэлээдгүй саад учруулж байна. Гэхдээ Монгол Улсын Засгийн газар хэд хэдэн гол томоохон цахилгаан станцуудаа ойрын жилүүдэд барьж ашиглалтад оруулна. Энэ ажлууд төлөвлөсний дагуу хийж хэрэгжүүлнэ. Дотоодын эрчим хүчээ сайн хангаснаар улс орон маань хөгжинө" гэлээ. 

Дулааны IV цахилгаан станцын өргөтгөл ашиглалтад орсноор импортын цахилгаан эрчим хүч хоёр дахин бага буюу 110 орчим мегаваттаас хэтрэхгүй байна гэдгийг салбарынхан онцолж байна.