Хятадын зүүн хойд нутаг болох Шаньси мужид нүүрсний уурхайд нуралт үүссэний улмаас дөрвөн хүн амиа алдсан талаар Регнум агентлаг мэдээлжээ. 

Эх сурвалжийн мэдээлснээр, орон нутгийн цагаар даваа гарагийн 13.50 цагт "Шаньси Мэй Биньчан" компанийн "Хужяхэ" уурхайд хэсэгчилсэн нуралт үүссэн байна. Даваа гарагийн 18.00 цаг гэхэд аврах ажиллагааг дуусгаж, гэмтсэн хүмүүсийг эмнэлэгт хүргэжээ. 

Улмаар эмнэлэгт хүргэгдсэн хүмүүсийн дөрөв нь нас барсан бол хүнд гэмтсэн дөрвөн уурхайчин үргэлжлүүлэн эмчлүүлж байгаа гэнэ. Хятадын хууль сахиулах байгууллагууд болсон хэрэгтэй холбоотойгоор мөрдөн шалгалтын ажлыг эхлүүлжээ. 

Энд дуулгахад, осол болсон уурхай байрлах Шаньси мужид сүүлийн өдрүүдэд үргэлжилсэн аадар бороо орсны улмаас үерийн гамшиг тохиосон юм. Улмаар нөхцөл байдал хүндэрсний улмаас тус мужид нүүрсний уурхай болон бусад төрлийн уурхай, үйлдвэрүүдийн ажиллагааг түр зогсоосон байна. 

Г.Бямбасүрэн