Алдарт кетчуп үйлдвэрлэгч  Heinz компани астробиологчидтай хамтран Ангараг гарагийн нөхцлийг бүрдүүлэн, улаан лооль ургуулжээ. Энэ туршилтыг АНУ-ын Флоридагийн Технологийн их сургуулийн Сансрын хүрээлэнг тулгуурлан хийсэн байна.

NBC агентлагийн мэдээлснээр, мэргэжилтнүүд есөн сарын туршид улаан лоолийн үр сонгож, Ангараг гарагийнхтай төстэй байх нөхцөлийг бүрдүүлэн ургамал тариалах үр дүнтэй аргуудыг хайжээ. Ингээд улаан нүдэн гарагийнхтай ижил нөхцөлд ургуулсан улаан лоолиор кетчуп хийсэн байна.

"Өмнө нь "Ангараг" гарагийнхтай ижил нөхцөлийг бүрдүүлсэн орчинл ургамал тариалхдаа ургамлын өсөлтийг богино хугацаанд л судалдаг байлаа. Энэ төслийн хүрээнд хүнсний бүтээгдэхүүний ургацыг удаан хугацаанд хураах боломжийг судалсан" хэмээн Сансрын хүрээлэнгийн эрдэм шинжилгээний ажилтан Эндрю Палмер мэдэгджээ. 

Энэхүү өвөрмөц бүтээгдэхүүний дээжийг компанийн төв байранд хүргэж, чанарыг нарийвчлан шалгасан гэнэ. Одоогоор энэ кептчуп худалдаанд гараагүй байга аж.