Африк тивд орших Ботсвана улсад коронавирусийн шинэ, аюултай штамм үүссэн талаар Их Британийн эрдэмтэд анхааруулжээ. Энэ талаар Daily Mail мэдээлсэн байна.

Эх сурвалжийн мэдээлснээр, эрдэмтдийн анхааруулсан энэхүү штамм нь дельта зэрэг бусад хувилбараас ч илүү аюултай байж болзошгүй гэнэ. Эрдэмтэд В.1.1.529 хэмээн нэрлэсэн энэхүү штамм нь 32 мутацитай бөгөөд тэдгээрийн ихэнх нь вакцинд тэсвэртэй, коронавирусийн бусад хувилбаруудаас илүү өөрчлөгддөг аж.

Лондонгийн Эзэн хааны коллежийн вирус судлаач Том Пикокийн өгүүлснээр, шинэ хувилбар дахь мутацийн хослол нь "айдас төрүүлэхүйц" гэнэ. Өдгөө дэлхий даяар голчлон тархаж буй "дельта" зэрэг бусад хувилбаруудаас ч энэ штамм илүү аюултай байж болзошгүйг эрдэмтэн анхааруулжээ.

Г.Бямбасүрэн