Н.Мөнх-Оргилын шүүх хурал өнөөдөр болно
Өнөөдөр 11 цагаас Чингэлтэй дүүргийн шүүх Хөвсгөл аймгийн Мөрөн суманд найман настай охины амийг онц хэрцгийгээр хөнөөсөн хэргийг үйлдсэн гэгдэн буруутгагдаж буй Н.Мөнх-Оргилын хэргийг хэлэлцэнэ. Өнгөрсөн сарын 17-ны өдөр түүний шүүх хурал болох байсан ч өмгөөлөгч нь Дархан явсан тул хуралд ирээгүй. Харин өмгөөлөгч нь үүнийг хурал давхацсан гэж тайлбарласан юм.
Өнөөдөр болох шүүх хуралд Н.Мөнх-Оргилын өмгөөлөгчөөр Э.Ганбат, Р.Насанжаргал нар, улсын яллагчаар Нийслэлийн Прокурорын газрын хяналтын прокурор Т.Жадамбаа оролцох юм. Яллагдагч Н.Мөнх-Оргил болон түүний ээж дүү нь өнөөдрийг хүртэл гэм буруугүй гэж хэлж ярьж байгаа ч, түүнийг буруутайг нотлох баримтууд хуулийнхны гарт хэдийнэ ирээд байгааг албаны эрхмүүд хэлж байна. Түүнийг анх 8-н настай охины амийг хэрцгийгээр хөнөөсөн хэрэгт сэжигтнээр татан шалгаж эхэлсэн ч, шалгах явцад насанд хүрээгүй 4 охины амь насыг хөнөөсөн хэрэгт сэжиглэх үндэслэлүүд гарч ирсэн байна.
СЭТГЭГДЭЛ БИЧИХ