Засгийн газрын өнөөдрийн хуралдаанаас гаргасан шийдвэрийг танилцуулж байна. 

БШУ-ны сайд Л.Энх-Амгалан "Өнгөрсөн долоо хоногт Ерөнхий сайд 1000 орчим оюутнуудтай уулзсан. Уулзалтын өмнөх бэлтгэл ажлын хүрээнд 150 мянган оюутнуудын өмнө тулгамдаж байгаа асуудлыг гаргаж эрэмбэлсэн. 

1. Оюутнуудын эрүүл мэндийн үйлчилгээний чанар хүртээмжийн асуудал

2.  БЗС-аас олгож байгаа тэтгэлэг зээлийг нэмэгдүүлэх, ил тод болгох 

3. Оюутан цэрэг хөтөлбөрт хамрагдаж байгаа оюутны тоог нэмэх 

4. Оюутны дотуур байрны чанар стандартыг сайжруулах 

5. Багш нарын ёс зүйн асуудал 

6. Цагийн ажил хийхэд хөдөлмөрийн мөлжлөг байгаа асуудал

7. Номын сангийн цагийн зохицуулалт 

8. Автобусны картын хүрэлцээ, зорчих эрхийн асуудал гэх мэт асуудлууд дээр шийдэл гаргах үүргийг Ерөнхий сайдын зүгээс өгсөн. 

Энэ хүрээнд E-Mongolia төрийн үйлчилгээний цахим пларформ дээр E-student гэдэг цонхтой болсон. Оюутнуудад төрөөс үзүүлж байгаа үйлчилгээг энэ цонхоор авах боломжтой боллоо. Мөн ЭМ, БШУ-ын сайдад үүрэг өгч эрүүл мэндийн даатгалаа төлөөгүй байсан ч ЭРТ ИЛРҮҮЛГИЙН үзлэг шинжилгээнд хамруулах ажлыг зохион үүрэг өгсөн. 

Мөн Боловсролын зээлийн сангаас өнгөрсөн хугацаанд САЯ гаруй хүүхдэд зээл авсан. Гадаадад суралцсан 2000 гаруй оюутнуудаас 230 нь зээлийн гэрээнийхээ үүргийг биелүүлээгүй. Улсад 14 орчим тэрбум төгрөгийн эрсдэл гаргах нөхцөл үүсэж байна" гэлээ.

П.ГОО