Боловсролын салбарын долоон хуулиас бүрдэх багц хуулийн хэлэлцүүлэг хоёр жил үргэлжилж байна. Хуулийн хэлэлцүүлгийн явц хэрхэн явагдаж байгаа талаар ажлын хэсгийн ахлагч УИХ-ын гишүүн Г.Дамдинням өнөөдөр мэдээлэл өглөө.

Тэрбээр “Бүх хуулийг нэгтгэж, дөрвөн багц хууль болгон зохион байгуулж, миний бие ахалсан шинэ ажлын хэсэг ажиллаж байна.

Монгол Улс 1992 оноос хойш анх удаа боловсролын тогтолцоогоо бүтэн циклээр нь харж, энэ хуулийг боловсруулж байна. Ардчилсан тогтолцоонд шилжсэнээс СӨБ, ерөнхий боловсрол, мэргэжлийн боловсрол, дээд боловсрол, насан туршийн боловсрол гэсэн бүх түвшинд хуулийг цогцоор нь авч үзсэн тохиолдол байхгүй. Энэ нь боловсролын хуулиулд уялдаа холбоогүй, зорилго чиглэлгүй байдалд хүргэсэн. Тиймээс хуулийг шинэчлэх зайлшгүй шаардлага бий болсон.

Одоогийн байдлаар

-Боловсролын Ерөнхий хууль

-Сургуулийн өмнөх боловсролын тухай хууль

-Дээд боловсролын тухай хууль

-Мэргэжлийн боловсролын тухай гэсэн дөрвөн хууль бэлтгэгдэж байна.

Энэ хуулиудыг маргаашийн байнгын хорооны хуралдаанаар хэлэлцэж, пүрэв гаригийн УИХ-ын чуулганы нэгдсэн хуралдаанаар Боловсролын Ерөнхий хуулийн эхний хэлэлцүүлгийг хийнэ.

Боловсролын Ерөнхий хуулийн төсөлд тусгагдсан асуудлууд:

-Боловсролын салбарын ажилтан, албан хаагчдын цалингийн өсөлтийг тогтоох чиглэлийг Засгийн газарт өгнө.

-Багш нарт ажлын байрандаа давтан суралцаж, сайн ажиллаж байгаа нь илүү цалин авдаг байх зохицуулалтыг хийнэ.

-Боловсролын салбарт ажиллаж байгаа албан хаагчдын нэг хүүхдийн сургалтыг төлбөрийг төрөөс даана.

-Багшид элдэв нэмэлт ачаалал өгөхийг хуулиар хориглоно.

-Англи хэлийг үндсэн гадаад хэлд тооцно

-Орон нутгийн алслагдсан байдлаас хамаарч тогтмол болон хувьсгал зардлыг илүү өндрөөр тогтоож өгнө. 

-Багш мэргэжлээр өндөр оноотой элсэж байгаа хүүхдүүдийн сургалтын төлбөрийг улсаас даана. Багш мэргэжлээр амжилттай төгссөн багш нарт өндөр цалин өгдөг, төрийн аливаа хөнгөлөлт урамшуулалд нэн тэргүүнд хамруулна.