Шилэн ажиллагааны хүрээнд үе үеийн нийслэл, дүүрэг, аймаг сумын Засаг дарга нарын хичнээн хэмжээний газар олгосон тухай мэдээллийг ил болголоо. 

Нийтэд ил болгосон мэдээллээр нийслэлийн үе үеийн Засаг дарга нараас М.Энхболдын үед 7374 захирамж гарч, газар олгогдсон байна. Түүний хувьд 1999-2005 од Улаанбаатар хотын захирагчаар ажилласан бөгөөд зургаан жилийн хугацаанд 7374 байршилд газар эзэмшүүлэх шийдвэрт гарын үсэг зурсан гэсэн үг. 

Түүний араас Э.Бат-Үүл 1888 байршилд газар олгох шийдвэр гаргаснаар удаалж байна. Харин Г.Мөнхбаяр 1673 байршилд,  С.Батболд 1381 байршилд,  С.Амарсайхан 811 байршилд, Д.Сумъяабазар 621 байршилд, Т.Билэгт 516 байршилд, Ц.Батбаяр 485 байршилд, Ж.Батбаясгалан 174 байршилд газар олгох захирамж гаргаж, шийдвэрлэжээ.