Сонгуулийн хуулийн дагуу улс төрийн намууд нэр дэвшигчдээ тодруулснаар УИХ-ын 2024 оны сонгууль ерөнхийдөө шуударч эхэллээ.

Улс төрийн намуудын нэр дэвшүүлэх ажиллагаа, тэр дундаа эрх баригч МАН-ын жагсаалтад хэн бичигдэх үү гэдэг асуулт олны анхаарлыг татаж байв. Монгол төр, парламентын толгойд заларсан эрхмүүд жагсаалтын тэргүүнд бичигдэх үү эсвэл Л.Оюун-Эрдэнэ хэлсэндээ хүрч нийгмийн бүхий л төлөөллийг багтаасан залуусаар жагсаалтаа дүүргэх үү гэсэн эргэлзээтэй асуултын хариулт тайлагдлаа.

МАН улс төрийн ууган, эрх баригч хүчнийхээ зангарагийг харуулж, намын жагсаалтаа шинэ залуусаар дүүргэжээ. Намын жагсаалтад УИХ-ын гишүүн, сайд нарын хэний ч нэр багтсангүй. “Ах” намын жагсаалт улс төрийн хүчний хувьд боловсон хүчний хангалттай нөөцтэй гэдгээ давхар илтгэв.

Харин МАН-ын дарга, Ерөнхий нарийн бичгийн даргаасаа эхлээд өнөө л хэн болтлоо явсан луухарууд тойрогт хүч үзэх нь. Шинэ залуусаа жагсаалтад бичиж, хууччуулаа тойрогт сойх Л.Оюун-Эрдэнийн багийн тактик сонгуулийг салхийг нааштай эргүүлж байна. 

МАН-ын жагсаалтад бичигдсэн залуус /албан бус/

Г.Лувсанжамц (Японд хот төлөвлөлтийн чиглэлээр доктор хамгаалсан)

М.Энхцэцэг (Австралид Эрчим хүчний системээр доктор хамгаалсан)

Ч.Анар (“Ондо” компани)

О.Саранчулуун (“Ахиллис монгол” ТББ-ын үүсгэн байгуулагч)

Д.Рэгдэл (ШУА-ын Ерөнхийлөгч асан)

Д.Ганмаа (Харвардад багшилдаг)

М.Мандхай (СДМЭХ-ны Ерөнхий нарийн бичгийн дарга)

Д.Энхтүвшин (Шарк, МҮХАҮТ-ын Ерөнхийлөгч асан)

Б.Уянга (УУХҮ-ийн дэд сайд)

Ж.Галбадрах (Шинэ Монгол эрдмийн зөвлөлийн ерөнхийлөгч)

А.Ариунзаяа (МАН-ын нарийн бичгийн дарга)

Б.Баярбаатар (МАН-ын хяналтын хорооны дарга)

Б.Хэрлэн (Улс төр судлаач)

Д.Бум-Очир (Ерөнхийлөгчийн зөвлөх)

О.Номинчимэг (Нийслэлийн Засаг даргын орлогч)

С.Зулпхар (ХНХ-ын дэд сайд)

Г.Ганбаяр (БШУ-ны дэд сайд асан)

С.Мөнгөнчимэг (Сангийн дэд сайд)

Б.Солонгоо (ХЗДХ-ийн дэд сайд)

Ч.Лодойравсал (Ерөнхийлөгчийн дэргэдэх Хэлний бодлогын зөвлөлийн дарга)

Б.Дөлгөөн (Эдийн засагч)

А.Адилбиш (СДМЭХ-ны дэд ерөнхийлөгч)

С.Далхаасүрэн (МАН-ын бүлгийн ажлын албаны дарга)

У.Болортуяа (Ерөнхий сайдын хэвлэлийн төлөөлөгч, сэтгүүлч)

Г.Баярхүү (МАН-ын хэвлэл мэдээллийн газрын дарга)

Д.Бумдарь (Улс төр судлаач, МУИС-ийн багш)

Ц.Цолмон ("Эрдэнэс Монгол" ХХК-ийн дэд захирал)

Т.Сайнжаргал (МТЗ ТӨХК-ийн төслийн удирдагч)

А.Энхзул (УИХ-ын хэвлэлийн албаны дарга) нарын 48 нэр дэвшигч жагсаалтад бичигдэв.