ОХУ-ын Ерөнхийлөгч Владимир Путин Монгол Улсын Ерөнхийлөгч Ухнаагийн Хүрэлсүхтэй уулзах үеэрээ Францын цөмийн эрчим хүчний асуудлаар хэлэлцсэн гэж Риа Новости мэдээлэв. В.Путин У.Хүрэлсүхэд хандан “Франц өөр оронд бага чадлын атомын цахилгаан станц барихгүй” хэмээн онцолсон байна.

Энэ тухай "Росатом" төрийн корпорацийн гүйцэтгэх захирал Алексей Лихачев ярихдаа, “Төрийн тэргүүнүүд дэлхийн цөмийн энергийг хөгжүүлэх талаар 15-20 минутын турш хэлэлцсэн.  Уулзалтын үеэр В.Путин Францийн цөмийн эрчим хүчний хөгжлийн талаар маш сайн мэдээлэлтэй байсан бөгөөд тэдний үйлдвэрлэж буй эрчим хүчийг одоогийн барьж буй цахилгаан станцын загваруудын төрлийг нарийвчлан үзүүлсэн. Мөн тэрээр Францын цөмийн эрчим хүчний станцын талаар эерэг сэтгэгдэлтэй байгаагаа илэрхийлсэн ч ОХУ-аас ялгаатай нь бага хүчин чадлын станц барихгүй” гэжээ.

Мөн Риа Новости агентлагийн мэдээлэлд, “Сүүлийн жилүүдэд бага оврын цөмийн цахилгаан станц дэлхийн цөмийн эрчим хүчний чиг хандлагыг тодорхойлж байна гэжээ.

2024 онд ОХУ, Узбекистан 330 МВт-ын бага оврын цөмийн цахилгаан анхны гэрээг үзэглэсэн байдаг. Одоогийн ОХУ Монголд бага оврын цөмийн цахилгаан станц барихаар тохиролцоод байна гэж Риа Новости мэдээлжээ.