Л.Оюун-Эрдэнийн ''кноп''-ын тулаан

img

 

Ерөнхий сайд Л.Оюун-Эрдэнийн улс төрийн ирээдүй өнөөдөр шийдэгдэнэ. Түүний зүгээс өргөн барьсан итгэл үзүүлэх тухай тогтоолын төслийг УИХ дэмжвэл тэрбээр Ерөнхий сайдын суудлаа хадгална. Харин гишүүдийн олонх нь дэмжихгүй бол огцрох нь тодорхой. Товчхондоо, өнөөдрийн үйл явдал Монгол Улсын улс төрийн өнгийг ойрын таван жилд хэрхэхийг шийднэ. 

Засгийн газрын гишүүд өргөдлөө өгсөн ч Ерөнхий сайд үлдээх эрхтэй

Ерөнхий сайд УИХ-аас итгэл хүлээж чадвал, АН-ын найман сайдын өргөдлийг хүлээж авахгүй, ажлаа үргэлжлүүлэх боломжтой. Энэ нь Засгийн газрын тухай хуулийн 22.3 дахь заалтаар баталгаажсан. Лу.Гантөмөр сайдтай АН-ын гишүүдийн зүгээс урьдчилан өргөдлөө өгч, улс төрийн “заль” хэрэгжүүлж буй нь Засгийг дэмжиж байгаа дохио боловч, хариуцлагаас мултрах гэсэн арга ч байж мэднэ. Ерөнхий сайдын байр суурь тодорхой. “Хамтарсан Засаг цаашаа үргэлжлэх ёстой. Үгүй бол би өөрөө огцорно.”

Асуудлыг шуурхай хэлэлцэж буй нь Ерөнхий сайдын эсрэг ирэх дараагийн “довтолгоо”-ноос сэргийлсэн алхам уу?

Спикер Д.Амарбаясгалан асуудлыг яаравчлуулж буй нь анхаарал татаж байна. Энэ нь Ерөнхийлөгчийн талыг баримтлагчдын шахалт уу, эсвэл Ерөнхий сайд өөрөө цаг хугацааг ашиглан хариу цохилт өгөх боломжийг хаах гэсэн стратеги уу? “Херо” Б.Баатартай холбоотой мэдээллүүд, Ж.Баярмаа гишүүний мэдэгдэл зэрэг нь Л.Оюун-Эрдэнийн эсрэг чиглэж эхэлсэн нь түүнийг цаг алдалгүй шийдвэр гаргах шаардлагад хүргэж болзошгүй.

 Саналыг нууцаар хураах уу, илээр хураах уу ?

Санал хураалт хэрхэн явагдах нь улс төрийн хүчнүүдийн бодлого, нөлөөллийг илтгэнэ. АН-ын зүгээс нууц санал хураалт явуулахыг илүүд үзэж байгаа бол Ерөнхий сайд ил санал хураалтыг дэмжиж магадгүй. Ил санал хураалт нь улс төрийн “тохироо”-г сорих хэрэгсэл болох ч гишүүдэд “нэр хоч” зүүлгэх эрсдэл дагуулна. Парламентын хагарал, талцал гүнзгийрэх магадлалтай.

 УИХ өмнө нь баталсан бодлогоор дахин итгэл үзүүлэх нь хууль, логикийн зөрчилд хүргэж болзошгүй

УИХ-аар баталсан Засгийн газрын мөрийн хөтөлбөр, төсөв зэрэг бодлогын баримт бичгүүдэд үндэслэж дахин итгэл үзүүлэх нь Үндсэн хуулийн маргаантай тайлбар, улс төрийн гажуудалд хүргэж мэднэ. Энэ нь Засгийн газар болон УИХ-ын институц хоорондын эрх мэдлийн зааг ялгаа, хариуцлагын ойлголтыг бүдгэрүүлж болзошгүй.

 Хэрэв Ерөнхийлөгч хориг тавибал улс төрийн хямрал гүнзгийрч, 84 кнопын шаардлага үүснэ

Хэрэв Ерөнхийлөгч хориг тавибал Л.Оюун-Эрдэнэ Ерөнхий сайдаар үлдэхийн тулд 84 гишүүний дэмжлэгийг дахин бүрдүүлэх шаардлага үүснэ. Энэ тохиолдолд улс төрийн хямрал гүнзгийрч, институц хоорондын тэмцэл ширүүсэх нь гарцаагүй. Ерөнхий сайд Цэцэд хандаж магадгүй ч өнөөдрийн байдлаар Үндсэн хуулийн Цэц Ерөнхийлөгчийн нөлөө дор байгааг улс төрийн хүрээнийхэн хэлж буй.

Улс төрийн институц хоорондын сөргөлдөөн төрийн хямралд хүргэж болзошгүй

  • АН-ын бүлгийн шийдвэр, чуулганы ирц, санал хураалтын хэлбэр зэргээс хамаарч Засгийн газрын хувь заяа шийдэгдэнэ.
  • Ардын нам хоёр хуваагдаж, АН дотооддоо улам хагарч мэдэх нь.
  • Ерөнхийлөгч хориг тавих аваас эрх мэдлийн төлөөх тэмцэл парламентын тогтвортой байдалд сөргөөр нөлөөлнө.
  • Хамгийн муугаар бодоход “УИХ тар” гэх яриа бодитой болж магадгүй.

Монголын улс төрийн ойрын ирээдүй өнөөдрийн УИХ-ын шийдвэрээс хамаарна. Итгэл үзүүлэх эсэх нь зөвхөн нэг хүний хувь заяа бус, нийт төрийн тогтолцооны ирээдүйг тодорхойлох хариуцлагатай алхам.

СЭТГЭГДЭЛ БИЧИХ

Get IELTS, TOEFL, PTE, CPSO, Degree & other documents 100% authentic WhatsApp: +447401473736:
Get IELTS, TOEFL, PTE, CPSO, Degree & other documents 100% authentic WhatsApp: +447401473736 Get your Degree & Certificate without Exams and get the best results We also issue fake & legal documents likes ( PASSPORT, ID CARD, DRIVING LICENSE, DEATH CERTIFICATE, BIRTH CERTIFICATE, IELTS, DEGREE, CPSO)and other documents as well. very authentic documents within a short time frame, for more information Our large platform is a professional team committed to providing you with valid DALF, DELF, TCF, TEF, CELPIP, IELTS, PTE, Goethe & other language certifications without Exam. we provide Official Language certificate with registration into the database and also actual center stamps for customers interested in obtaining the certificates without taking the test. 1) Get exam materials to prepare you for upcoming test. 2) Renew your expired certificate without taking another test. 3) We also assist candidates to register for any of the above tests. 4) Obtain a certificate without taking the exam if you meet the requirement. 5) Follow our guide and change your failed results to a pass. Email-: qualitybills-documents@hotmail.com Wickr: Ranko322 Telegram: @Ranko3222 WhatsApp: +447401473736 USE ANY OF THE ABOVE TO CONTATC IF ONLY YOU ARE 100% SERIOUS/ NO TIME WASTERS
2025-06-04
Иргэн:
УИХ-ын итгэл үзүүлэх хурал тэр чигээрээ жужиг байжээ хөөрхийс
2025-06-03
Энх:
Хэвээр үлдээё
2025-06-02