“Монгол-Хятадын V Экспо-2025” БНХАУ-ын ӨМӨЗО-ны Хөх хотод болж байна.

Монгол Улсаас гадна Казакстан, Киргиз зэрэг таван улсын 2000 гаруй аж ахуйн нэгж оролцож байгаа тус арга хэмжээнд Монгол Улсаас анх удаа технологийн компани оролцож байгаа нь онцлууштай үйл явдал болж байна. Манай улсаас 500 гаруй аж ахуйн нэгж оролцож байгаагаас анх удаа технологийн салбарын компани энэ зууны техник, технологийн тэргүүлэгч улсын зах зээлд зориг шулуудан бүтээгдэхүүнээ танилцуулжээ.

ТТ Түүлс компани тус экспод оролцсон анхны Монгол технологийн компани болж чадаад зогсохгүй уг үзэсгэлэнгийн нийтлэг бус содон төлөөлөл болоод байна. Учир нь тус үзэсгэлэнд оролцож буй манай улсын аж ахуйн нэгжүүд ихэнхдээ жижиг дунд үйлдвэрлэл, гар урлал, ноос ноолууран бүтээгдэхүүний салбарынхан давамгайлдаг байжээ. Харин энэ жилийн хувьд ТТ Түүлс компани зоорь, агуулахын чийгшил, температурыг гар утаснаасаа хянах төхөөрөмжөө танилцуулж байна. Sonor X төхөөрөмжийн зорилго маш энгийн бөгөөд хэрэглэгчийн гарт ямар ч бараа, бүтээгдэхүүнийг хадгалах горим алдагдуулахгүйгээр хүргэх нөхцөлийг бүрдүүлжээ. Тэд хүний оролцоогүй буюу зүйлсийн интернэтэд (iOT) суурилсан хяналтын төхөөрөмжөө өөрсдөө бүтээж, суурилуулдаг олон жилийн туршлагатай. Энэхүү туршлага дээрээ үндэслэн эх орондоо Sonor X төхөөрөмжийг программ хангамжийн хамтаар үйлдвэрлэж, үйлчилгээнд нэвтрүүлээд байна.

Хүний оролцоогүй зоорь, агуулахын чийгшил, температурыг хянах системийг ижил төрлийн гадаадын системүүдээс 3-4 дахин хямд үнээр зах зээлд нийлүүлж байна. Төхөөрөмж болон программ хангамжийн тусламжтайгаа 24 цагийн турш, гурван секунд тутамд шинэчлэгдсэн зоорь, агуулахын чийгшил, температурын мэдээллийг гар утсандаа хүлээн авах боломжтой аж. Мөн тээвэрлэлтийн явцад ч бараа, материалыг хянаж, аж ахуйн нэгжүүдэд агуулах, тээвэрлэлтийн тайлан мэдээлэлд тулгуурлан тог цахилгаан, дулаан, бензин зэрэг зардлаа хэмнэх боломжийг олгож буй. Facebook-ээс ч хэрэглэхэд хялбар: Sonor: Real-Time Data аппликэйшн Sonor X төхөөрөмжийг бүтээсэн инженерүүд төхөөрөмждөө тусгай зориулж аппликэйшн хөгжүүлжээ.

Энэхүү аппликэйшн нь хэн ч хэрэглэхэд амархан хялбар ба Монгол, Англи, Хятад хэл дээр ашиглагдах боломжтой байна. Биет төхөөрөмж болон программ хангамжийг тус компанийн инженерүүд өөрсдөө хийдэг тул харилцагч байгууллагуудаас хэрэгцээ шаардлагад нь нийцүүлэн тусгай захиалга ч хүлээн авдаг байна. Мөн интернэтгүй үед ч зоорь, агуулахын мэдээг хэрэглэгчийн утсанд мессежээр илгээсээр байх юм. Ингэснээр хадгалалтын горимоо мөрдөх цогц системтэй болж байна. Одоогоор тус системийг Таван Богд, Айсмарк, Монос, ТЭСО, Очир Дагинас зэрэг дотоодын тэргүүлэх аж ахуйн нэгжүүд үйлдвэрлэл, логистиктоо нэвтрүүлээд байна.

Энэ нийт хүн амын эрүүл мэнд, хүнсний аюулгүй байдалд онцгойлон ач холбогдол өгч буйн илрэл юм. Түүнчлэн БНХАУ-ын үйлдвэрлэгчдэд бараа бүтээгдэхүүн импортлогч дистрибьютер компаниуддаа нийлүүлж буй бараа бүтээгдэхүүнийг чанар, стандартыг мөрдөж байгаа эсэхэд хяналт тавих боломжийг санал болгож ТТ Түүлс компани тус экспод оролцож байгаа юм. Мөн дотоодын экспортлогч аж ахуйн нэгжүүд ч бараа бүтээгдэхүүнээ олон улс руу гаргахад тээвэрлэлтийн бүх шатанд чанар, стандартын шаардлагаа хангаж, хялбар хянах боломжтой болжээ. Ийнхүү ТТ Түүлс компани хяналттай зоорь, агуулах тээврийн системээр дамжуулан нийт хүн амыг аюулгүй, эрүүл хүнс, бараа бүтээгдэхүүнээр хангахад чухал үүрэг гүйцэтгэж буй. Цаашид ч хэрэглэгчдийг эрүүл хүнсээр хангах гинжин хэлхээний чухал хэсэг болох тээвэрлэлт, агуулахын хяналтын олон улсын жишгийг үндэсний хэмжээнд нэвтрүүлэхийг зорилтоо болгожээ. 

Танилцуулга видеог доорх линкээр хүлээн авна уу.

@tttools-mongolia Tel: +97670003508