Хоёр настай хүүг эрэн хайх ажиллагааг зосгоох хүсэлтийг ар гэрийнхэн нь бичгээр цагдаагийн байгууллагад гаргасан. Ямар шалтгааны улмаас хүүгээ хайх ажиллагааг зогсоохыг хүссэнийг цагдаагийн байгууллага нууцалж буй. Гэхдээ 72 цагийн хугацаанд эрэн хайх ажиллагааг үргэлжлүүлэх бөгөөд хүүг эрэн хайх ажиллагаанд холоос ирж хүч нэмэн ажиллаж байсан зарим хүмүүсийг буулгажээ. 

Хөвсгөл аймгийн Тариалан сумын нутагт алга болсон хоёр настай хүүг 9 дэх өдрөө эрэн хайж буй. 

Уг ажиллагаанд, Хөвсгөл аймгийн цагдаагийн газар, Эрүүгийн цагдаагийн албаны Эрэн сурвалжлах хэлтсийн алба хаагчид болон үнэрлэх, эрэн хайх чиглэлээр бэлтгэгдсэн ноход, төлөөлөгчдийн хамт нэмэлтээр үүрэг гүйцэтгэн, холбогдох байгууллага, иргэдтэй хамтран ажиллаж байна.

"Ц.Пүрэвсайхан нь цайвар шар царайтай, толгойдоо 10см орчим урттай, хоёр сүлжсэн шаргал өнгийн үстэй, 80см орчим өндөртэй, 18 кг орчим жинтэй, алга болох үедээ хөх өнгийн цамц, хар өнгийн өмд, зурган дээрээ харагдаж байгаачлан улаан оруулгатай цагаан өнгийн пүүзэн гуталтай явсан.