МАН-ын лийдерүүд эв эеэ олох нь бүү хэл намын дотоод хагарал нь эргэж сэргэхээргүй сэвтжээ. Үүнийг дөнгөж сая хийсэн Ерөнхий сайд Г.Занданшатарын Д.Амарбаясгалангийн эсрэг хийсэн мэдэгдэл, Б.Энхбаярыг ХЗДХ-ийн сайдаар томилохоор болсон шийдвэр нь харуулж буй. УИХ-ын дарга Д.Амарбаясгалан бол нүүрсний хулгайтай холбоотой гэж Ерөнхий сайд Г.Занданшатар мэдэгдчихсэн. Их хурлын спийкерийг Админерал компанитай холбоотой гэдэг ч өнгөрсөнд тэрээр үгүйсгэж байсан юм. Онцгой тохиолдлоор шахуу ХЗДХ-ийн сайдаар томилогдсон Б.Энхбаяр ч Д.Амарбаясгаланг Админерал компанийн хөрөнгө оруулагч Хасбаатарын үхэлтэй холбоотой гэх ойлголтыг нийгэмд өгсөн байдаг. Нүүрсний хулгайтай тэмцэхийн тулд Л.Мөнхбаатар жулдаж, Б.Энхбаяр арсалдаж асан учир улстөрийн тоглоомын дүрмийг эвдэж, гэнэтийн шийдвэр гаргасан нь энэ. ХЗДХ-ийн сайд Л.Мөнхбаатар улстөрийн том тохироо, араас нь дагасан том "зодооны" золиос болов уу гэдэг асуулт хариулт нэхэж байна.