2025 ОНЫ II ээлжийн цэрэг татлага улс орон даяар энэ сарын 17, 18, 19-ны өдрүүдэд явагдах гэж байна.

Батлан хамгаалахын сайдын санаачилсан “Мэргэжилтэй цэрэг” хөтөлбөр энэ удаагийн цэрэг татлагаас эхэлж хэрэгжиж эхэлнэ.

Хугацаат цэргүүд алба хаах хугацаандаа зөвхөн цэргийн эрдмийг суралцаад зогсохгүй аймаг орон нутагтаа эрэлттэй байгаа хэрэгцээт мэргэжлээр суралцаж, мэргэжлийн зэрэг, үнэмлэхтэй төгсөнө. Ингэснээр нутагтаа халагдаж очоод шууд ажлын байраар хангагдах боломжтой болж байна.

Цэргийн ангийн хуваарилалтыг хийхдээ цэргийн албанд тэнцсэн залуусын саналд үндэслэн хуваарилах бөгөөд барилгын засалч, сантехникч, цахилгаанчин, гагнуурчин, үсчин, оёдолчин зэрэг мэргэжлээр сургах юм.