Монгол орны цөлжилттэй бүс нутагт 100,000 мод тарьж, “MONGOLZ #1” гэх үг бүтээх төслийн ажил үргэлжилж байна. Өнөөдрийн байдлаар 447.8 метр хэмжээстэй “M” үсгийн хэсэгт модны суулгалтыг гүйцэтгэж, усалгааны системийг угсарч дуусгажээ. Төсөл Дорноговь аймаг, Эрдэнэ сум, Ар цацын ус гэх газарт хэрэгжиж байгаа бөгөөд хүссэн хүн бүр өөрийн нэртэй модтой болж, энэхүү санаачилгын нэг хэсэг болох боломжтой гэдгийг MONGOLZ-ынхон онцолсон байна.