Засгийн газрын ээлжит хуралдаан 08.00 цагт эхэлж, үргэлжилж байна. Өнөөдрийн хуралдаанаар тогтоол гаргаж, Ц.Батбаатарыг ЭМДЕГ-ын даргаар томилжээ.

Ц.Батбаатар нь УИХ-ын Тамгын газрын Хуулийн газрын Ахлах зөвлөхөөр ажиллаж байсан нэгэн. Мөн тэрбээр, Гаалийн ерөнхий газрын дарга асан Д.Цэвээнжавын хүү аж. Д.Цэвээнжав хэвлэлийн нүүрэнд чамгүй заларч байсан бөгөөд ХЗДХ-ийн сайд асан Ц.Нямдоржийн "хоёр амбаар"-ынх ойролцоо амьдардаг хөрш гэгдэж байжээ. ГЕГ-ын даргаар томилогдохдоо төрсөн хүүгээ туслахаараа аваачсан, гаалийг хамаатнуудаараа дүүргэсэн гэхчлэн бичигдэж байжээ.

Ташрамд, Ж.Чинбүрэн Эрүүл мэндийн сайдаар томилогдоод ЭМДЕГ-ын даргаар ажиллаж байсан С.Энхболдыг аравдугаар сард чөлөөлсөн. Улмаар түүний орон тоонд нээлттэй сонгон шалгаруулалт явуулна хэмээн мэдэгдээд байв.