Эрүүл мэндийн сайд Ж.Чинбүрэн, Сангийн сайд Б.Жавхлан, Гэр бүл, хөдөлмөр, нийгмийн хамгааллын сайд Т.Аубакир нар Монголын Эрүүл мэндийн ажилтны үйлдвэрчний эвлэлийн холбооны төлөөлөлтэй өчигдөр уулзалт хийсэн. Уулзалтаар өнгөрсөн хугацаанд эмч, ажилчдын цалинг хэрхэн нэмэгдүүлэх талаар бодит тооцооллыг хийснээ танилцуулснаар Эрүүл мэндийн салбарын ГУРВАН ТАЛТ ХЭЛЭЛЦЭЭР-ийг үргэлжлүүлэн хэлэлцэхээр болсон юм.

Энэ талаар МҮЭХ "Эмч, эмнэлгийн ажилтнууд Эрүүл мэндийн салбарын гурван талт хэлэлцээрийг хийхтэй холбоотойгоор ажил хаялтыг нэг өдрөөр буюу 2025.11.14-нийг хүртэл хойшлууллаа" гэлээ.