Засгийн газрын ээлжит хуралдаан үргэлжилж байна. Хуралдаанаар Татварын багц хуулийн төсөл болон бусад 20 гаруй асуудлыг хэлэлцэхээр төлөвлөсөн. Тухайлбал, тэтгэврийн хэмжээг нэмэгдүүлэх, тэтгэврийн доод хэмжээг шинэчлэн тогтоох” ЗГ-ын тогтоолын төслийг хэлэлцэж эхэлсэн юм. Харин ГБХНХ-ын сайд Т.Аубакир сэтгүүлчдэд өгсөн мэдээлэлдээ "Тэтгэврийн асуудлыг хэрхэн шийдэх асуудлыг 12-р сарын 31-ний Засгийн газрын хуралдаанаар хэлэлцэж шийдвэрлэхээр хойшлууллаа" гэв.

Мөн "Төсвийн байгууллагууд хэмнэлт хийж, чиг үүргийн давхцалыг арилгах замаар бүтээмжид үндэслэн цалингийн хэмжээг тогтоон ЗГ-ын хуралдаанд оруулж ирэх чиглэлийг Ерөнхий сайд өгсөн" гэлээ.