Испанийн судлаач Мариано Барбасид тэргүүтэй эрдэмтдийн баг нойр булчирхайн хорт хавдрыг хулганын биед гурван төрлийн эмийн хослол ашиглан бүрэн устгаж чадсанаа мэдээллээ.  
 

Судалгаанд хавдрын эсийн өсөлтийг дарангуйлах, дархлааны хариу урвалыг идэвхжүүлэх болон хавдрын орчныг сулруулах үйлчилгээтэй гурван төрлийн эмийг хамтад нь хэрэглэсэн байна. Үүний үр дүнд туршилтад хамрагдсан хулгануудын хавдар бүрэн арилж, зарим тохиолдолд дахин үүсээгүй ажээ.  
 

Эрдэмтдийн зүгээс нойр булчирхайн хавдар нь эмчилгээний хувьд хамгийн хүндрэлтэй хорт хавдрын нэг бөгөөд шинэ арга нь ирээдүйд эмчилгээний шинэ боломжийг нээж магадгүй гэж үзэж байна.  
Гэсэн хэдий ч энэхүү туршилт нь одоогоор зөвхөн амьтанд хийгдсэн тул хүний биед хэрэглэхээс өмнө клиникийн шатны туршилтууд зайлшгүй шаардлагатайг судлаачид онцолжээ.