2026 оны 5 дугаар сарын 29, 30-ны өдрүүдэд Баянгол дүүргийн 34 хорооны ажлын албад тус тус хүүхэд багачууддаа зориулсан баярын өдөрлөгийг амжилттай зохион байгуулжээ. 

Өдөрлөгийн үеэр хүүхдийн аюулгүй байдлыг хангах чиглэлээр сайн дурын 100 сурагч идэвх санаачилгатай ажиллаж, арга хэмжээний зохион байгуулалтад үнэтэй хувь нэмэр оруулсан нь сайхан хамтын ажиллагааны жишээ боллоо.

Мөн дүүргийн нутаг дэвсгэрт үйл ажиллагаа явуулдаг аж ахуйн нэгж, үйлчилгээний байгууллагууд ивээн тэтгэгчээр оролцож, хүүхэд багачуудын баярыг дэмжин ажилласан юм. Хоёр өдрийн турш баяр хөөр, инээд цалгисан хүүхдүүдийн хөл хөдөлгөөн тасраагүй бөгөөд арга хэмжээний уур амьсгалд ч тэдний бэлтгэсэн тоглоом наадгай бэлэг сэлтүүд ч халуун дулаан, дурсамж дүүрэн болгож байлаа.

Түүнчлэн дүүргийн Иргэдийн Төлөөлөгчид, Засаг дарга нарын дэмжлэгтэйгээр “Эрүүл шүд” өдөрлөг, гар зургийн болон сагсан бөмбөгийн тэмцээн зэрэг олон төрлийн үйл ажиллагаа зохион байгуулж, хүүхдийн эрүүл мэнд, хөгжил, оролцоог дэмжих, хүүхдийн эрхийг хангах, хамгаалах чиглэлд бодит үр дүнтэй ажил өрнүүллээ.

Арга хэмжээнд хүрэлцэн ирсэн хүүхэд багачууд болон эцэг эхчүүдийн сэтгэл ханамж өндөр байсан нь зохион байгуулагчдын хичээл зүтгэл, хамтын ажиллагааны үр дүн байлаа.