Энэ жилийн ДАШТ-д урьд өмнө байгаагүй олон улс оролцоно гэх мэдээ анх гарах үед зарим хөлбөмбөг сонирхогч эергээр хүлээн аваагүй. Хөлбөмбөмгийн ДАШТ-д 48 баг өрсөлдөх болсон нь тэмцээний нэр хүндийг сулруулна гэж зарим хүн үзэж байсан юм.

ДАШТ бол зөвхөн шилдгүүдийн тайз байх ёстой, оролцох эрхийг хэт өргөжүүлж болохгүй гэж олон хүн үзсэн. Мөн багийн тоо нэмэгдэхийн хэрээр тоглолтын чанар муудна гэж хүмүүс болгоомжилж байв

Эдгээр шүүмжлэл тодорхой хэмжээнд үндэслэлтэй байсан ч 48 багийн формат хүмүүсийн бодлыг өөрчилж эхэлжээ. Багийн тоог нэмэгдүүслнээр анх удаа ДАШТ-д оролцсон орнууд өөрсдийгөө дэлхийн хэмжээний өрсөлдөгч гэдгээ баталж харуулсан.

Тухайлбал Кабо Верде хасагдах шатанд шалгарч чадсан бол Кюрасао эрч хүчтэй, тоглолт үзүүлж, өвөрмөц өмсгөлөөрөө хөлбөмбөг сонирхогчдын хайрыг хүлээсэн. Хэрэв тэмцээний форматыг өргөжүүлээгүй бол энэ удаагийн дэлхийн аваргын хамгийн сонирхолтой түүхүүдийн зарим нь огт төрөхгүй байх байсан.

Тэгвэл одоо “FIFA”-гийн Ерөнхийлөгч Жианни Инфантино багийн тоог улам нэмэгдүүлэх боломжийг судалж магадгүй байна. Швейцарын “Bluewin” хэвлэл ирээдүйд 64 багтай ДАШТ зохион байгуулах талаар асуухад Инфантино "Энэ удаагийн дэлхийн аварга дууссаны дараа холбогдох хороодын хүрээнд зайлшгүй авч хэлэлцэх асуудлын нэг мөн" гэж хариулжээ.