Сүүлийн өдрүүдэд хүйтний эрч чангарч, цас орж голын ай сав газарт -49 градус хүртэл хүйтэрч байна. Тиймээс орон нутагт явж байгаа жолооч нар техникийн аюулгүй байдлаа хангаагүйгээс цасанд суух, онхолдох, мөргөлдөх осол гарсаар байна. Тухайлбал, өчигдөр Булган аймгийн Рашаант суманд байдаг “ Цэцүүх”  гүүрний баруун талд “Ниссан” маркийн автомашин замын баруун тал руу унаж,  26 настай эрэгтэй Б нас баржээ. Мөн өнгөрсөн бямба гаригт  Өвөрхангай аймгийн  Арвайхээр хотод “Петровис” ШТС-ын хажууд “Мицубиши” маркийн автомашин дугаар тодорхойгүй мотоциклтой мөргөлдөж, хоёр хүн нас барсан хэрэг гарсан байна. Одоогийн байдлаар нас барсан хүмүүсийг хэн болохыг тогтоогоогүй бөгөөд хэргийг цагдаагийн байгууллага шалгаж  байна.