Хан-Уул дүүргийн цагдаагийн хэлтэсээс АПУ ХХК-тай гэмт хэргээс урьдчилан сэргийлэх чиглэлээр хамтран ажиллах түншлэлийн гэрээ байгуулан ажиллаж байгаа аж. Энэ хүрээнд Хан-Уул дүүргийн цагдаагийн хэлтсийн 25 алба хаагчийг өнөөдөр АПУ ХХК-ний үйл ажиллагаатай танилцуулжээ. Мөн тус компанийн үйлдвэрлэж байгаа архи согтууруулах ундааны шошгон дээр жирэмсэн болон насанд хүрээгүй хүн хэрэглэхийг хориглосон тэмдэг, зураглал хийх байршуулах  тухай албан ёсны саналыг хүлээлгэн өгчээ. Дашрамд дуулгахад, “Олон нийт-цагдаагийн хамтын ажиллагаа” хөтөлбөрийн хүрээнд  тус дүүргийн цагдаагийн хэлтэсээс Ерөнхий боловсролийн сургуулиудын дунд "Архидалтын эсрэг-Олуулаа" зохион бичлэгийн уралдаан зарласан байна. Н.Дэлгэр