Өвөрхангай аймгийн АН-ын дарга Т.Хасбаатар, дэд дарга И.Мөнхжаргал нар   энэ сарын нэгэнд хэвлэлийн бага хурал зарлаж,  тус аймгийн Засаг дарга Д.Тогтохсүрэнгийн хууль бус үйлдлүүд газар авч, аймгийн засаг захиргааны байгууллага нэг гэр бүлийн эрхэнд орсон байна. Д.Тогтохсүрэн аймгийнхаа "Баянтээг" хэмээх төрийн өмчит компанийн захирал Н.Ганболдтой хэлхээ холбоотой ажиллаж, төрийн мөнгийг хайр найргүй завшиж байгаа хэмээн мэдээллэж байсан. Тиймээс Өвөрхангайн АН-ынхан Засаг дарга Д.Тогтохсүрэнг Авлигатай тэмцэх газарт өгөхөөр болсноо энэ үеэр хэлсэн юм. Харин Өвөрхангай аймгийн засаг дарга Д.Тогтохсүрэн худал мэдээлэл тарааж, гүтгэж байна хэмээн хэд хэдэн телевизээр мэдэгдэл хийгээд байгаа бөгөөд нэр төрөө сэргээлгэхээр шүүхэд хандаад байгаа ажээ. С.Жигүүр