Монгол Улсын Их сургуулийн хичээлийн тавдугаар байрны ойролцоохи  PC тоглоомын газарт хоёр хүн амь үрэгдсэн ноцтой хэрэг өнгөрөгч жил  гарсан юм.

Тоглоомын газрыг түрээслэгч 30 орчим насны эрэгтэйг 20 гаруй насны эрэгтэй “ТОЗ-8” маркийн буугаар хөнөөгөөд улмаар амиа хорлосон хэрэг  гарч дуулиан дагуулж байв. Эл хэргийг Сүхбаатар дүүргийн цагдаагийн хэлтэст шалгаж байгаад хаасан  юм. Чухам ямар үндэслэлээр хаасныг албаны эх сурвалжаас тодруулахад эзэн холбогдогч нь  нас барсан  гэсэн үндэслэлээр хавтаст хэргийг хаажээ.

Хэргийн талаар нэхэн сануулахад “Манай найз гурав хоногийн өмнө, би найзыгаа буудчихлаа” гэсэн мессежийг найзууд руугаа явуулснаар цагдаагийн газрынхан шалгаж эхэлсэн байна.

 Шалгалтын явцад М гэгч залуу маргааны улмаас найз болох 30 настай эрэгтэйгээ хөнөөж улмаар өөрийгөө егүүтгэсэн хэргийг үйлдсэн юм.