Дундговь аймгийн Сайхан-Овоо сумын харъяат улсын начин Ц.Улаанхүүгийн хар тамхи зөөвөрлөж зарсан хэргийг Баянзүрх дүүргийн шүүхэд  ирэх пүрэв гарагт дахин хэлэлцэнэ.

Түүнд  өнгөрөгч онд хоёр шатны шүүхээс Эрүүгийн хуулийн 192.3.1-д зааснаар сэтгэцэд нөлөөлөх эм, бэлдмэл, бодисыг борлуулах зорилгоор хууль бусаар бэлтгэсэн, олж авсан, хадгалсан, тээвэрлэсэн, илгээсэн, борлуулсан гэх үндэслэлээр буруутган, 11 жилийн ял оноосон юм.

Харин тэрбээр  шүүхийн шийдвэрийг эсэргүүцэ хяналтын шатны шүүхэд хандан өргөдөл гаргаснаар тус шүүхээс түүний хэргийг нэмэлт мөрдөн байцаалтад буцаах шийдвэр гаргасан билээ.