Аймгуудын Засаг дарга нар өнгөрөгч оны сүүлээс толгой дараалан Авлигатай тэмцэх газрын Мөрдөнгийн үүд сахиж эхэлсэн. Тэдний түрүүчээс улсын төсөв рүү гарсан дүрсэн гэм буруу нь нотлогдож шүүхээс  ял  авч зам мөр нь тодорхой болсон гэж хэлж болно.

 Тухайлбал Орхон аймгийн Засаг дарга Д.Оюунбатын албан тушаалын хэргийг өнгөрөгч сард  Баянзүрх дүүргийн шүүхийн шүүгчид хэлэлцэн гэм буруутайд тооцон 2.6 жилийн хорих ял оноож байв. Түүнийг таван тэрбумын өртөгтэй Төв цэнгэлдэх хүрээлэн барих тендер авч будилаантуулсан, Орхон аймагт зарласан таван тендерийг шалгахад гурвыг нь хууль бусаар явуулсан зэрэг үйлдэлд холбогдуулан шалгаж байсан билээ.

Тэгвэл тэдний араас шүүхийн тавцан рүү Эрүүл мэндийн салбараас ажлын гараагаа эхэлсэн Налайх дүүргийн Засаг дарга Б.Баяндэлгэр очих нь. Авлигатай тэмцэх газрын мөрдөгчийн овоо хараанд аль эртнээс өртсөн эрхэм Засаг ноёныг  өнгөрөгч оноос албан тушаал, авлигын  хэрэгт холбон  шалгаж, шаардлагатай баримт материалыг цуглуулж яллах шатандаа орсон байна.

Анх  түүнийг 300 га газрыг БНСУ-ын хөрөнгө оруулалттай “Жэхуан групп”-т их хэмжээний мөнгөөр зарахыг завдаж, 320 га газар эзэмших гэрчилгээ олгож өгнө хэмээн амлаж 50 мянган ам доллар хахуульд авсан гэх хэрэгт буруутгагдаж, сэжигтнээр татаж байв. Өөрөөр хэлбэл албан тушаалын байдлаа урвуулан ашиглаж онц их хэмжээний авлига авсан  байж болзошгүй гэж буруутгасан. Хэргийг шалгах явцад түүнд 50 мянган ам.долларын хахууль өгсөн гэдгээ “Жэхун” групп хууль зүйн “Хан Мон Лоу” хүлээсэн гэнэ.

Түүгээр ч барахгүй Налайхын уурхай руу тавьсан бетонон замыг дур мэдэн хуулуулсан нь  шаардлага хангаагүй юм байна.  Гол нь  Б.Баяндэлгэр  өөрийн мэдлийн “Хөл Налайх” цэцэрлэгт хүрээлэндээ уг замыг тавиулахын тулд  замыг хуулуулсан хэмээн налайхчууд эсэргүүцлээ илэрхийлжээ. Өөрийн цэцэрлэгтээ хандив өргөөгүй аж ахуй нэгж, иргэдэд ямар нэгэн зөвшөөрөл өгөхгүй, баримт бичгийг нь удаах зэргээр хүндрэл учруулдаг болсон нь  гэх яриа ч гарсан аж.

 Энэхүү хууль зөрчсөн үйлдлээ Налайх дүүргийн ИТХ-ын дарга С.Батдоржтой нийлж гүйцэтгэсэн гэж үздэг. Тухайлбал С.Батдоржийн гэмт хэрэгт хамтран оролцсон үндэслэл нь  ИТХ-ын гишүүдийн хуралдаанаар гаргасан шийдвэр дээр дур мэдэн нэмэлт хавсралт хийж, их хэмжээний газар Засаг даргынхаа хамаатан саднуудад өгсөн аж.

 Ард олныноо эрүүл энхийн манаанд зогсох ажлаас гараагаа эхэлсэн Налайх дүүргийн засаг дарга Баяндэлгэр 1969.09-р сард төржээ. Тэрбээр  1987 онд Налайх хотын 1 дүгээр арван жилийн дунд сургуулийг 1994 онд  төгссөн байна. Улмаар дунд сургуульдаа толгой цохьдог онц сурлагтан тэрбээр МУ-ын Анагаах ухааны их сургуульд Хүний их эмч мэргэжлээр төвөггүйнхэн элсч 2002 онд төгсчээ.

Дараа нь Удирдлагын академийг Төрийн удирдлагын арга зүйч, зохион байгуулагч, 2007 онд Удирдлагын академийг Төрийн удирдлагын магистр зэрэг 2009 онд Санхүү эдийн засгийн дээд сургуулийг Нягтлан бодох, бүртгэл мэргэжлээр  тус тус төгссөнөөс харахад анагаах ухаан, эдийн засаг, нягтлан бодох чиглэлээр өөрийгөө чамгүй төвшинд боловсруулсан  эрдэм мэдлэгтэй нэгэн гэж итгэл хүлээлгэсэн юм. Засаг даргын сэнтийд суутлаа 1987-1997 Налайх дүүргийн Эрүүл мэндийн нэгдэлд их эмч, тасгийн эрхлэгч 1997-2000 Налайх дүүргийн Эрүүл мэндийн нэгдлийн дарга 2000-2003 Налайх дүүргийн Засаг даргын Орлогч2003-2004 Налайх дүүргийн Эрүүл мэндийн хяналтын албаны даргаар ажиллаж байжээ.

Түүнийг хар гэр рүү хөтөлсөн даргын албан тушаалыг 2009 оноос  хойш хаших болсон гэнэ. Нутгийн иргэдийн ярихаар Баяндэлгэр үг дуу цөөн, ажилдаа хариуцлагатай нэгэн байсан ч сүүлийн үед хэл ам татлах болсон нь итгэл хүлээлгэсэн олон хүний сэтгэлийг гонсойлгоход хүргэжээ. Тун удахгүй түүний авлига авсан эсэхийг  шүүх тогтооно. Хэрэв шүүхээр гэм буруу нь тогтоогдвол  3-5 жилийн хорих ял авах юм байна.

Н.Бүжин