ОХУ-ын төрийн өмчит ураны компани ARMZ-т Канадын Онтарио мужийн шүүхээс гарсан шийдвэрийг биелүүлээгүй тул Канадын “Хан Ресурс” компани дахин давж заалдахаар болжээ. Учир нь ARMZ-т компани шүүхээс гарсан 300 сая ам.долларын торгуулийг төлөөгүй бөгөөд “Хан ресурс”-ыг Монголд ураны хайгуул болон олборлолт явуулахад саад учруулсан гэж үзэж байгаа юм байна. “Хан ресурс” компани нь Орос, Монголын талтай хамтарсан “Төв Азийн уран” компаний 58 хувийг эзэмшдэг ажээ. С.Жигүүр