Мерсисайдын дербид улаануудын багийн ахлагч Стивен Жеррард хет трик үзүүлж өөрийнхөө Премьер лигт тоглосон 400 дэх тоглолтдоо бэлэг барилаа. Энфилд цэнгэлдэхэд болсон тоглолтод эхнээсээ л талбайн эзэд давамгайлж эхэлсэн бөгөөд Дэвид Мойессын цэргүүд нэр төрийн ганц ч гоол оруулж амжилгүй буцлаа. Тоглолтын 34, 51, 90+3 дахь минутад Стивен Жеррард өрсөлдөгчийнхөө хаалганд оруулж баттай хожлоо авсан. Улмаар Ливерпуль 28-р тойргийн сүүлийг мушгиж хожил авснаар 42 оноотой болж Премьер лигийн хүснэгтэд долдугаар байрт бичигдэж байна. Н.Өрнө