БНСУ-ын Гвантан дүүргийн Чанман хороонд гэрээгээр ажилладаг монгол улсын иргэн 28 настай Б-гийн амийг хөнөөсөн хэрэг өнгөрсөн сард гарсан. “Xүйтэн байхад дэлгуурийн хаалга хаасангүй” гэх шалтгаанаар БНСУ-ын иргэн 31 настай Хаму, болон түүний найз Уни нар монгол залууг зодож хүндээр гэмтээж, улмаар хохирогч эмнэлэгт хүрэх замдаа нас барсан юм.   Уг хэрэгт дээрх хоёр иргэнийг саатуулан хорьж, мөрдөн байцааж, тус улсын хууль цагдаагийн байгууллагаас 12-15 жил хорих ял төлөвлөөд байгаа. Гэвч хэрэгтнүүдийг шүүх хурал өнгөрсөн долоо хоногт товлогдоод байсан ч тодорхойгүй шалтгаанаар болсонгүй гэдгийг эх сурвалж мэдэгдлээ.   Манай улсын зүгээс тус улсын Элчин сайдын яамаараа дамжуулан шүүх хурлыг түргэн хийж, буруутай этгээдийг хариуцлага тооцохыг хүссэн шаардлага хүргүүлсэн ч хариу өгөөгүй байгаа аж.   П.Наран