Охидод умайн хүзүүний хорт хавдрын эсрэг вакциныг хийх аян энэ сарын 12-ны өдрөөс эхэлсэн. Гурван тунгаар хийгдэх энэ тарилгын эхний тунг хийж дууссан талаар  Эрүүл мэндийн яам, Мянганы сорил сан, “Итгэл” Хавдаргүй Монгол үндэсний сангаас өнөөдөр мэдээлэл хийлээ.   Өнөөдрийн байдлаар вакцинд хамрагдахаар төлөвлөсөн 14248 охины 76 хувь нь умайн хүзүүний хорт хавдрын эсрэг вакиныг сайн дурын үндсэн дээр хийлгэжээ.   Дархлаажуулалт Өмнөговь аймгийн хэмжээнд 91.3 хувь, Сэлэнгэ аймаг 69.1 хувьтай байгаа бол Багануур дүүрэгт 78.7, Баянгол дүүрэгт 65.3 хувьтай байгаа аж.   Ирэх тав, есдүгээр сард болох дараа дараагийн тарилгад эдгээр хүүхдүүд хамрагдана. Вакцины сөрөг урвал 48-72 цагийн дотор мэдэгдэх ёстой бөгөөд одоогийн байдлаар гурван охинд хавдах, загатнах шинж тэмдэг илрээд байгаа. Энэ нь хэвийн үзэгдэл хэмээн мэргэжлийн хүмүүс тайлбарлаж байна. Д.Цэцэг