-Таны үйлчлүүлэгчийг хүмүүс сүүлийн үед энэ хэргийг улстөржүүлэх хандлага гаргаад байна гэж харах боллоо. Та үүн дээр юу хэлэх вэ? -Хуулийн үйлчилгээг үзүүлнэ. Би тэр хүний хувийн асуудалтай холбоотой байр суурь илэрхийлэхгүй. Тодорхой хэмжээнд янз бүрийн мэдээлэл өгөх шаардлагагүй гэдгийг сануулсан. Гэхдээ энэ нь тэр хүний хувийн асуудал. -Өнөөдрийн шүүх хурлын явц хэвийн явагдсан уу? -Өнөөдрийн шүүх хурал процессын талаасаа хэвийн явагдсан. Гэвч хохирогч нарын өмгөөлөгч, хохирогч нар ирээгүй. Гэрч нар ч ирээгүй. -Хохирогчийн өмгөөлөгч өрөөс чинь гадна өөр хүн бий юу? -Байгаа. -Таны үйлчилүүлэгчид болон хохирогчид мөнгөн дүн бүхий хохирол нэхэмжилж байгаа юу? -Нэхэмжилж байгаа. Тухайлбал, төрөөс буудсаныхаа төлөө 10 сая төгрөг өгсөн юм билээ. Гэтэл эмчилгээ хийлгэх гэж орон байраа хүртэл зарж, ажилгүй болсон хүмүүс ч байдаг. -Ц.Нямдорж сайд тухайн үед хохирогч нарт өмгөөлөгч олж өгсөн гэдэг үнэн үү? -Тийм томилсон л гэж ойлгодог шүү дээ. Өөрөө өмгөөлөгч болохоор сайд томилгоо хийсэн гэдэг дээр гайхдаг юм. -Энэ хэргийг өмгөөлснөөс хойш танд ямар нэгэн дарамт ирсэн үү? -Одоогоор тийм зүйл байхгүй. -Та 7-р сарын нэгний үйл явдалд яг хэнийг буруутгаж байна вэ? -Энэ хэрэгт төр өөрөө буруутай гэж би боддог. -Миний хувьд шүүх хурлыг нээлттэй явуулвал зүгээр юм шиг санагддаг та юу гэж боддог вэ? -Нээлттэй явах ёстой гэдэгтэй 100 хувь санал нэгтэй байгаа. -Шүүх юуны учраас хурлыг нээлттэй явуулахгүй байгааг тайлбарлаж өгөөч? -Төрийн нууцтай холбоотой асуудал яригдаж магадгүй гэсэн утгаар хаалттай явагдаж байгаа гэсэн. -Хэвлэл мэдээллийн хэрэгслээр эсрэг талын өмгөөлөгчдийн ярьснаар хавтаст хэрэгт нууцын зэрэглэлд багтахаар зүйл байхгүй гэж ярьдаг. Та бас хавтаст хэрэгтэй танилцсан уу? -Танилцаагүй. Би танилцах хүсэлт тавиад одоог хүртэл танилцаж амжаагүй л байна.