-Цагдаагийн экс удирдлагуудад шүүхийн шийдвэрийг биелуулэхгүй байгааг та өмгөөлөгч, хуульч хүний хувьд юу гэж үзэж байна вэ? -Маш буруу шүүхийн шийдвэрийг биелүүлэх хэрэгтэй байх. -Өмгөөлөгчид нь ийм зүйл хий гэж зааж өгсөн гэсэн. Үүнтэй санал нийлэх үү? -Тийм мэдээлэл авсан. -Та шүүгдэгчдийн өмгөөлөгч нарийн хийж буй үйлдэлд ямар дүгнэлт өгөх вэ? -Би өөрөө хуульч хүн учраас бусдынхаа үйлдэлд үнэлэлт дүгнэлт өгөх эрх байхгүй. -Та яагаад заавал олны анхаарлын төвд байгаа хэргүүдийг өмгөөлдөг юм бэ? -Өөрийн хууль ёсны эрхээ хамгаалуулъя гэж хүмүүс намайг сонгодог. Түүнээс би олны анхааралд аль хэрэг байна түүнийг өмгөөлнө гэж сонголт хийх боломжгүй. Миний өмгөөлж байгаа хэргээс олны анхаарлын төвд биш байгаа олон хэрэг бий. -Дараагийн хурлийн тов гарсан уу? -Гараагүй байна. -Хурандаа О.Зоригт шүүгчид Та охинтой юу, та нарт харуулнаа гэж хэлсэн нь баримтаар нотлогдох уу? Хэрвээ нотлох баримт байгаа бол энэ их том асуудал болно байх? -Тэгэж хэлж байсныг би сонсоогүй. Гэхдээ нэлээд бухимдангүй шүүгч рүү орилж байхыг нь би харсан. -7/1-ний шөнө хийсэн бичлэгүүд ТВ-гээр гарсан. Эдгээр бичлэгүүд мөн хөдлөшгүй  баримт, машины загвар төрхөөр нь хөөгөөд олоход амар санагдах юм?  -Одоогийн шүүх хуралд хэн буудсан бэ гэдгийг тогтоох биш албан тушаалаа хэн урвуулан ашигласан бэ гэдгийг тогтооно. Хүмүүс энэ шүүх хурлыг уг хэргийг бүхлээр нь авч хэлэлцэх гэж байна гэж буруу ойлгоод байх юм. -Гэрчээр дуудсан этгээд нь ирэхгүй байгааг та юу гэж харж байна вэ? -Эдгээр хүмүүс нь төрийн тусгай хамгаалалтад байдаг хүмүүс. Тиймээс үүнийг тэндээс асуух нь зүйтэй байх.