Улс төрийн нам Улсын дээд шүүхэд албан ёсоор бүртгүүлэхдээ Монгол Улсын Үндсэн хууль, бусад хуулийг дээдлэн сахин биелүүлэх, эх орон, ард түмний нийтлэг эрх ашигт нийцүүлэн үйл ажиллагаагаа ил тод явуулах гэсэн үндсэн зарчимтай ажиллахаа илэрхийлсэн байдаг тул улс эх оронд болж байгаа, цаашид бий болох нөхцөл байдалтай уялдуулан дараах мэдэгдлийг “Эрх Чөлөөг Хэрэгжүүлэгч”намын Боловсруулан зөвлөлдөх хороо орон даяар гаргажээ. 1.    Монгол Улс коммунист дэглэмээс татгалзснаас хойш нилээдгүй хугацаа өнгөрч сүүлийн  жилүүдэд  АН хамтарсан засгийн газарт орж төрийн бодлогыг зах зээлийн зарчмаар явуулахыг хичээж ирсэн боловч хууль бусаар баяжсан олигархи элитүүдээс өрх тусгаарлах нь зөв гэж үзэн  сөрөг хүчний байр сууринаас эрчимтэй хандаж нийгэмд бугишсан бузар үйлдлээс нийгмийг цэвэрлэх алхам хийж байгааг бодлогын хувьд дэмжиж, увайгүй үйлдэл, урагшгүй бодлогоос салахын төлөө  цаашид хамтаран ажиллаж УИХ-н сонгуульд дэмжиж оролцох болно гэдгээ энэхүү мэдэгдлээр дамжуулан илэрхийлж байна. 2.    Түүхэнд хар дарсан өдөр болох 2008.07.01-нд ард түмэн  эрх чөлөөнийхөө төлөө үгээ хэлэх гэсэн  үйл явдлын улмаас 5 хүний амь үрэгдсэний үнэн мөнийг хуулийн дагуу шүүхээр тогтоолгох явцад Шүүхийн хараат бус байдалд хөндлөнгөөс нөлөөлөх, шүүхийн бие даасан байдлыг алдагдуулахыг санаархаж тангараг өргөсөн төрийн тусгай албан хаагчдыг зохион байгуулалтайгаар татан оролцуулах гэсэн уур амьсгалыг нийгэмд   бий болгож байгаа нь  хуульд нийцэхгүй үйлдэл гэж үзэж ийм үйлдэл хийхийг хүсэгчид савраа татаж нийгмийг тайван байлгахыг уриалж байна. 3.    Мөн цагдааг буруутгах гэж байна гэсэн сэтгэл санааны үймээн дэгдээгчид энэ үйлдлээсээ татгалзаж, нийт ард түмний амар тайван байдлын  төлөө цагдаа хууль хяналтын байгуулага ажилладаг гэдгийг ард түмэн ойлгож байгаа учраас цагдаагийн бие бүрэлдэхүүнийг буруутгах гээгүй хариуцлага алдсан цөөхөн тооны хүмүүстэй хуулийн хүрээнд үнэнийг тогтоож, хариуцлага тооцох нь зөв гэж “Эрх Чөлөөг Хэрэгжүүлэгч”намын Боловсруулан зөвлөлдөх хороо, Удирдах зөвлөл, Улс төрийн бодлогын зөвлөл үзэж байгаагаа мэдэгдэж байна. “Эрх Чөлөөг Хэрэгжүүлэгч”намын Боловсруулан зөвлөлдөх хороо, Удирдах зөвлөл, Улс төрийн бодлогын зөвлөл