Женев хотноо гуравдугаар сарын 25-28-ны өдрүүдэд ажиллаж буй Гадаад харилцааны сайд Г.Занданшатар Vision Plus агентлагт ярилцлага өгөв. Тэрбээр Монгол Улсын гадаад бодлого, НҮБ-ын энхийг сахиулах үйл ажиллагаан дахь манай оролцоо, эдийн засгийн хөгжил, дэд бүтэц, уул уурхайн томоохон  төслүүд, эдийн засгийн түншлэлийн хэлэлцээр зэрэг өргөн сэдвээр ярилцлаа. Vision Plus агентлаг нь Европын Euronews телевизтэй хамтран энэ онд Монгол Улсыг сурталчлах төсөл хэрэгжүүлэхээр ажиллаж байгаа юм.