“Шиншинг пайнс” ХХК, “Хасгуа” ХХК, “Дорнод хажир” ХХК, “Монинвест” ХХК-иудын тус тусын нэхэмжлэлтэй Ашигт малтмалын газрын Геологи, уул уурхайн кадастрын хэлтэст холбогдох, “Монгол шевро” ХХК-ийн нэхэмжлэлтэй Татварын ерөнхий газарт холбогдох захиргааны хэргүүдийг шүүх хуралдаанаар хянан хэлэлцэн, маргаан бүхий захиргааны актыг хүчингүй болгож, нэхэмжлэлийн шаардлагыг бүхэлд нь хангаж, нэхэмжлэгчийн эрх, хууль ёсны эрх ашгийг хамгаалж шийдвэрлэсэн байна.

“Жамп алт” ХХК-ийн нэхэмжлэлтэй Татварын ерөнхий газрын татварын улсын байцаагч нарт холбогдох захиргааны хэргийг шүүх хуралдаанаар хянан хэлэлцэж, татварын төлбөр тогтоосон актын хэмжээг багасгаж шийдвэрлэжээ.