Улсын начин Ц.Улаанхүүгийн  давж заалдах гомдлыг нийслэлийн Шүүхэд өчигдөр хэлэлцэж анхан шатны шүүхээс оноосон 11 жилийн хорих ялыг хэвээр баталлаа.Шүүх хурлыг тус шүүхийн ерөнхий шүүгч Б.Сарантуяа даргалсан бол шүүгдэгчид өмгөөлөгч   Д.Алтанцол Б.Халзан нар эрх зүйн туслалцаа үзүүлсэн байна. Харин улсын яллагчаар Г.Мижидорж оролцсон байна. Давж заалдах шатнаас  Ц.Улаанхүүгийн хар  тамхи худалдахыг завдсан, хадгалсан хэргийг нотлогдсон тул анхан шатны шүүх хууль зөв хэрэглэсэн гэсэн шийдвэрийг гаргалаа. Түүнд Эрүүгийн хуулийн 192.3-1 дэх хэсэгт зааснаар Ц.Улаанхүү нь мансууруулах, сэтгэцэд нөлөөлөх онц их хэмжээний бэлдмэлийг олж авсан, хадгалсан, борлуулсан   гэсэн үндэслэлээр 11 жилийн хорих ялаар шийтгэх, хорих ялыг чанга дэглэмтэй хорих ангид эдлүүлэх, хураан авсан 523 грамм мансууруулах бодисыг устгах, батлан даалтад  гарахдаа  төлсөн гурван сая төгрөгийг буцаан олгох шийдвэр гаргаж таслан сэргийлэх арга хэмжээ авч байсан билээ.