Цагдан хорих төвд болж байгаа цагдаагийн хуучин дарга нарыг шүүх хуралд сэтгүүлч нарыг оруулж, шүүх хурлын эхлэл хэсгийг сурвалжлуулахаар болсон.   Гэтэл энэ шийдвэр гэнэт өөрчлөгдөж "Eagle", "C1" телевизээс бусад хэвлэл мэдээллийн хэрэгслийг шүүх танхим руу нэвтрүүлэхгүй байх шийдвэрийг шүүх бүрэлдэхүүн гаргасан байна.   Үүнээс болж сэтгүүлчид хэвлэл мэдээллийн хэрэгслийг ялгаварлаж байна хэмээн маргаан үүсгэж эхэллээ.   Түүнээс гадна Цагдан хорих төвийн гадаа үзэл бодлоо илэрхийлсэн цагдаа, ард иргэд нийлсэн 20 орчим хүмүүс шүүх хурлыг нээлттэй явуулахыг шаардсан уриа лоозон барин зогсож байна. Түүнчлэн Цагдан хорих төвийн хянагч нараас гадна цагдаа нар тус газарт хамгаалалтад гараад байна.   Д.Цэцэг