Үндсэн хуулийн цэцээс Улсын Их Хурлын сонгуулийн 26 тойрогт 48 мандатын төлөө нэр дэвшигчдээс тус тусын тойрогтоо ялагдал хүлээсэн боловч тэдгээрээс 28 ба түүнээс дээш хувийн санал авсан нэр дэвшигч Улсын Их Хурлын гишүүнээр сонгогдох боломжийг бий болгон хуульчилсан нь Үндсэн хуулийг холбогдох заалтуудыг зөрчсөн хэмээн дүгнэсэн. Уг дүгнэлтийг УИХ хүлээн авах эсэхийг ирэх долоо хоногт үүдээ нээх хаврын чуулганаар хэлэлцэнэ. УИХ Үндсэн хуулийн цэцийн гаргасан шийдвэрийг хүлээн авах нь зүйтэй эсэх талаар УИХ-ын гишүүд, хуульч, иргэдийн төлөөлийн байр суурийг сонирхсоноо хүргэе. Э.Бат-Үүл: Цэцийн дүгнэлтийг хүлээж авах нь зүйтэй УИХ-ын гишүүн -Үндсэн хуулийн цэцийн дүгнэлтийг хүлээн авах нь зүйтэй. Хүлээж авалгүйгээр хуультайгаа ноцолдоод байх цаг бидэнд алга. УИХ-ын сонгууль хаяанд ирж, болохоо байлаа.       Д.Энхбат: Шилжилт буруу гэдгийг анхнаас нь хэлж байсан УИХ-ын гишүүн -Энэ хуулийн ажлын хэсэгт ажиллаж байх даа пропорциональ тойрогт өрсөлдөөд унасан нэр дэвшигч мажоритарт дэвших буюу шилжилтийг буруу гэдгийг хэлж байсан. Одоо ч энэ байр суурин дээрээ байна.       С.Бямбацогт: Үндсэн хуулийн манаач нь хулгай хий гэдэг шийдвэр гаргалаа УИХ-ын гишүүн -Эцэг хуулийн манаач нь Үндсэн хуулийн цэц. Гэтэл өчигдөр манаач нь өөрөө хулгай хий гэсэн дүгнэлт гаргасан. Уг нь Үндсэн хууль болон Сонгуулийн хуулинд сонгууль болохоос зургаан сарын өмнө гар хүрэх эрх байдаггүй. Гэтэл Үндсэн хуулийн  цэц нь өөрчлөлт хий гэсэн шийдвэр гаргалаа. Үүний дагуу УИХ нь хуулиа зөрчөөд дүгнэлтийг нь хүлээж авна байх.   Ц.Монгол: Цэцийн шийдвэрийг УИХ хүлээн авах ёстой Өмгөөлөгч -Сонгуулийг ямар системээр явуулах вэ гэдгийг маш сайн судлах ёстой байсан. Сая энэ хуулийг батлах даа эрх барьж байгаа хоёр нам өөрсдөндөө ашигтай хувилбарыг сонгон батласан. Үүний цаана нийт монголчуудын сонгох, сонгогдох эрх энэ хуулийн олон заалтаар зөрчигдсөн. Тиймээс Үндсэн хуулийн цэцийн шийдвэрийг УИХ хүлээн авах ёстой.   Н.Оюунцэцэг: Сонгох, сонгогдох эрхэд халдсан заалт байсан гэж ойлгож байна Баянзүрх дүүргийн иргэн -Энэ бол иргэдийн сонгох сонгогдох эрхэд шууд халдсан заалт байсан гэж харж байгаа. Ийм байдлаар сонгуулиа явуулахад иргэдийн хувьд хараахан бэлэн биш байна. Говь-Алтай аймагт малаа маллаад байж байгаа иргэн Балданд мажоритар, пропорциональ гэж яриад ойлгохгүй. Өөрийнх нь санал яаж тусаж байгааг мэдэхгүй. Энэ хуулийн тодорхой хэсгийг ч гэсэн хүчингүй болгосныг зүйтэй гэж үзэж байгаа.   С.Энхзаяа