ИЗНН-ын Үндэсний хороо өнгөрсөн бямба гарагт хуралдаж дэд дарга, нарийн бичгийн дарга нараа сонголоо. ИЗНН нэг дэд даргатай байснаа хоёр болгон өргөтгөжээ. М.Хүрэлсүх намын дэд даргаар үргэлжлүүлэн ажиллах бол Иргэдийн шударга шүүх ТББ-ын тэргүүн М.Бат-Ялалтыг дэд даргаар сонгосон байна. С.Оюун, Д.Энхбат, С.Дэмбэрэл нарын гурван даргатай уг нам зургаан нарийн бичгийн дарга сонгожээ. Намын эмэгтэйчүүдийн байгууллагын тэргүүн Ч.Базар, мөн Б.Энхзаяа, н.Энхболд нарын зургаан хүнийг нарийн бичгийн даргаар сонгосон байна. Ингэснээр ИЗНН хамгийн өргөн удирдах бүрэлдэхүүнтэй нам боллоо. Мөн 210 гишүүнтэй улс төрийн зөвлөлийг шинэчлэн байгуулсан байна. Нэр, дүрмийн шинэчлэлтээ Улсын дээд шүүхэд бүртгүүлснээс хойш ИЗНН Үндэсний хорооны анхны хурлаа хийсэн нь энэ юм. С.Жигүүр