Нийслэлийн Баянзүрх дүүргийн 11 дүгээр хороо, “Ургах наран” хорооллын 12 дугаар байрны нэгдүгээр орцонд өчигдөр амьсгал боогдуулагч, нулимс асгаруулагч хий цацагдсан байна.   Уг хий цацагдсаны улмаас тус орцны ... тоотод оршин суугч 75 настай, эмэгтэй Н-ийн амьсгал боогдож, даралт нь өндөрссөн аж.   Иргэдээс ирүүлсэн мэдээллийн дагуу Шуурхай бүлэг 105-ын тасаг очиж, эмнэлгийн анхан шатны тусламж үзүүлэн, агааржуулалт хийж, нөхцөл байдлыг харъяа дүүргийн цагдаагийн хэлтэст мэдэгдсэн байна. Уг хэргийг тус дүүргийн Цагдаагийн хэлтэс шалгаж байгаа аж.   П.Наран