Монголын чөлөөт ахмадын холбооноос өнөөдөр мэдээлэл хийлээ. Тэд энэ удаагийн УИХ сонгуулийг шударга явуулахын тулд ихээхэн анхаарал хандуулж байгаа гэнэ. Тэдний үзэж буйгаар одоо хэвлэгдэж эхлээгүй байгаа иргэний цахим үнэмлэх сонгуулийн үеэр тараагдаж амжихгүй байх магадлалтай. Энэ нь сонгуулийг будлиулах нэг боломж болно. Тиймээс энэ удаагийн сонгуульд Хүний хөгжил сангийн дэвтрийг ашиглахыг санал болгож, бүх албан газруудад энэ саналыг дэмжих хүсэлт хүргүүлээд байгаа аж. Хүний хөгжил сангийн дэвтэр нь мөнгөтэй холбоотой гэдэг утгаараа бүртгэлтэй, хариуцлагатайгаар тараагдсан бичиг баримт. Сангийн яам, нийгмийн халамжийн газар, банк гээд олон газар бүртгэлтэй байдаг. Энэ дэвтрийг ашиглавал сонгогчдын тоо маргаангүй гарна, сонгуулийн тэмдэглээ хийхэд ч зай талбай ихтэй хэмээн үзэж байгаа аж.   Д.Цэцэг