Бүгд Найрамдах Солонгос Улсын Эрүүл мэнд, нийгмийн хамгааллын дэд сайд ноён Сунь Гонь Иг Монгол Улсын Эрүүл мэндийн сайд Н.Хүрэлбаатарт бараалхав. Уулзалтын үеэр сайд Н.Хүрэлбаатар хоёр улсын эрүүл мэндийн салбар дахь харилцаа, хамтын ажиллагаа болон цаашид Солонгос Улстай хамтран хэрэгжүүлэх төслүүдийн талаар товч мэдээлэл хийлээ. Ноён Сунь Гонь Иг сайд хоёр улсын эрүүл мэндийн яамд хоорондын эрүүл мэндийн салбарт хамтран ажиллах тухай тохиролцоонд тусгагдсан “Сөүл төсөл”-ийн үйл ажиллагааг хэрэгжүүлж эхлүүлэх, хоёр улсын эрүүл мэндийн дэд сайд нараар ахлуулсан ажлын хэсгийн анхдугаар хуралдаанд оролцохоор манай улсад ирээд байгаа юм байна.   Д.Цэцэг