Нийслэлийн прокурорын газрын өмнөх талбайд  Б.Батболд, З.Баянсэлэнгэ, М.Амартүвшин, Я.Мөнхсайхан, Д.Шонхоо нар өнгөрсөн хавар "Б.Тулгыг сулла" хэмээн шаардаж, удаа дараа жагсаал хийсэн талаар сонин хэвлэлээр цацагдаж байсан билээ.

Тэнд жагсаалд оролцсон хүмүүсийг  Прокурорын газрын хяналтын прокурор Ц.Хашбаатар хууль зөрчсөн тул хариуцлага тооцуулах тухай албан тоотыг Чингэлтэй дүүргийн Цагдаагийн хэлтэст илгээсэн байна.

Тэрхүү албан даалгаврыг эсэргүүцэн дээрх иргэд прокурорын энэхүү үйлдэл нь МУ-ын үндсэн хуулийн 16-р зүйлийн 10 дахь заалт, 13 дахь заалт, 14 дэх заалт, 16 дахь заалт, 19-р зүйлийн 1 дэх заалт бүрнээр нь зөрчсөн хэмээн үзэж дээрх иргэдийн зүгээс Үндсэн хуулийн цэцэд өргөдөл гаргасан байна.

           Прокурор О.Мөнхбаатар нь мөрдөн байцаалтанд мэдүүлэхдээ: ”Надад хүч хэрэглээгүй, гомдолгүй” хэмээн мэдэгдсэн байсаар атал ийнхүү эрүү үүсгэн яллахаар улайрч байгаа нь НПГ-ын орлогч Ё.Сагсайгийн шууд явуулга хэмээн дээрх иргэд үзэж байгаа гэнэ.

Н.Бүжин