Монголын их, дээд сургуулиудын консерциумаас жил болгон оюутан элсүүлэх журамыг шинэчлэн батладаг.  Энэ жилийн хувьд зарим сургуулиудын босгоо өндөрсчээ. Тухайлбал, Удирдлагын академи 600, МУИС 560 оноо болсон бол Санхүү, эдийн засгийн дээд сургууль бүх мэргэжлээр элсэгчдийн босго оноог 620 оноо болгожээ. Харин элсэлтийн хураамжид өөрчлөлт ороогүй бөгөөд нэг шалгалт 4000 төгрөгийн хураамжтай байх юм. Уг хураамжийн мөнгөнөөс аймаг орон нутгаас ирж, ажилласан багш нарт 1000 төгрөгийг урамшуулал болгон өгөх аж. Үлдсэн 3000 төгрөгийг Монголын их дээд сургуулиудын консерциум элсэлтийн комиссын гишүүдийн орон нутагт очих унаа, байр хоолны зардалд зарцуулах юм байна.   З. Цолмон