Хамгийн их хуурайшдаг энэ улиралд  нүүр хүзүүний арьсаа баярлуулбал яасан юм бэ, алийн болгон ходоодоо л баярлуулахав? Натурал витаминыг ходоодоороо дамжуулалгүй,идэж байгаа жимсээ нүүр хүзүүндээ нялаад хэдэн минут байлгачихад л хангалттай.

Энэ бол хамгийн энгийн маск боловч ач тус нь танд гологдохгүй, ямар ч үйлдвэрийн маск, нүүрний тос болон бусад нүүр арчилгааны бүтээгдхүүнээс илүү их үр дүн өгнө. Болж л өгвөл нүүрэндээ натурал маск тавьж байхыг эрхэмлэвэл та өдрөөс өдөрт “царай орсоор” байх вий.

Маскны тусламжтайгаар нүүрний цусан хангамжаа нэмэх, арьсныхаа үхэжсэн эд эсүүдийг зайлуулах, хялгасан үрчлээснүүдээ арилгах, өрөвслийн процессийг эдгээх, нүүрнийхээ булчинг чангаруулах, арьсаа уян зөөлөн болгох, арьсныхаа ядаргааг тайлах гээд хүссэн үр дүндээ хүрч болно.

Арьсыг хамгийн сайн тэжээдэг маскууд бол жимс, ногооны маск.Ямар  ч “витаминтай” гэх тос, үйлдвэрийн масктай харьцуулалтгүй. Маскийг бэлдэнгүүтээ тэр дор нь хэрэглэх хэрэгтэй. /Маскийг 15-20 минут тавихад л хангалттай. Энэ хугацаанд арьс өөрт хэрэгтэй бодис, үйлчилгээгээ бүрэн авч амждаг тул удаан байлгах шаардлага байхгүй, харин ч муу талтай: арьс сунах, ядрах зэрэг үзэгдэл гардаг.

Хуурай арьсанд:

2 амны халбага аарц+1 ц/х цөцгий+чимх давс+1 ц/х ургамлын тос

Бананыг нухаад +жаахан сүү

3 амны халбага тараг+1 ц/х ургамлын тос

Өргөст хэмхийг нарийн үрүүлээр үрээд + зөөхий + хэдэн дусал ургамлын тос

1ш өндөгний шар+1 ц/х зөгийн бал + 1ц/х рашаан ус

1ш өндөгний шар + 1ц/х ургамлын тос + 1 ц/х зөгийн бал

1ш өндөгний шарыг 1 ц/х нунтагласан геркулестэй хутгана

1ц/х цөцгий + 1ш өндөгний шар + 1ц/х луувангийн шүүс

15-20 минутийн дараа маскаа нойтон алчуур, эсвэл норгосон хөвөнгөөр хөнгөн арчиж аваад, нүүрээ эхлээд бүлээн усаар, дараа нь хүйтэн усаар зайлаарай. Угаах биш, зайлах юм шүү: нүүрэндээ өгсөн тэжээлээ буцаагаад угаагаад авчихвал ямар хэрэг байхав дээ? За тэгээд шаардлагатай бол тосоо түрхэнэ.